राष्ट्रपति , उपराष्ट्रपति र प्रधानमन्त्रीको पनि भाइ टिका सम्पन्न
काठमाडौं – राष्ट्रपति विद्यादेवी भण्डारीले आज बिहान ११ बजेर ५५ मिनेटको शुभसाइतमा आफ्ना भाइ डेगेन्द्र पाण्डेलाई सप्तरङ्गी टीका लगाइदिनुभएको छ।राष्ट्रपति भवन शीतलनिवासमा भएको भाइटीकाको कार्यक्रममा राष्ट्रपतिले भाइलाई सप्तरंगी टिका दुबो र , मखमली फुलको माला लगाइ कटुस ओखर र मिठाइ खुवाएर भ्रातृवात्सल्य प्रस्तुत गर्नुभएको हो ।
राष्ट्रपतिले शास्त्रोक्त विधिपूर्वक दीप, कलश, गणेशका साथै अष्टचिरञ्जीवी र यमयमुनाको पूजाअर्चना गर्नुभएको थियो भने राष्ट्रपतिको भाइटीका कार्यक्रममा पत्रकार संचारकर्मी हरुलाई प्रवेशमा रोक लगाइएको थियो ।
यस्तै गरि उपराष्ट्रपति नन्दबहादुर पुन ‘पासाङ’ले भाइटीका लगाउनु भएको छ । उहाँले शुक्रबार बिहान ११:५५ बजे उपराष्ट्रपतिको निवास कपुरधारामा भाइटीका लगाउनु भएको थियो ।
आफ्नो एकमात्र दिदी गृहजिल्ला रोल्पामा रहनु भएकोले उपराष्ट्रपतिले नजिकको बहिनीहरुसँग भाइटीका लगाउनु भएको हो । चन्द्रमाया पुन, शोभा पुन, विमला पुन र शशी लामाले उपराष्ट्रपति लाइ भाइटीका लगाई दिनुभयो भने प्रधानमन्त्री केपी शर्मा ओलीले पनि आफ्नी बहिनीहरु विष्णुमाया ढकाल र कौशिलादेवी कोइरालाबाट आज बिहान ११ बजेर ५५ मिनेटको शुभसाइतको समयमा टीका लगाउनुभएको छ।
टीका लगाइदिएपछि बहिनीहरुले प्रधानमन्त्री ओलीलाई निधारमा सप्तरंगी टिका मखमलीको माला लगाई दिदै कटुस ओखर र मिठाई खुवाएर वात्सल्य प्रस्तुत गर्नुभएको थियो।साथै उहाँहरूले प्रधानमन्त्रीको पत्नी राधिका शाक्यलाई पनि टीका लगाइदिनुभएको थियो । प्रधानमन्त्रीले पनि बहिनीहरुलाई टीका लगाइदिएर आफ्नो त्रफा बाट मायाँ र दक्षिणा प्रदान गर्नुभएको थियो।
सम्बन्धित समाचार
नेपाली कम्युनिष्ट एकतालाई विश्व कम्युनिष्ट आन्दोलनले आत्मसाथ गर्ने –प्रधानमन्त्री
बेइजिङ, ७ असार - प्रधानमन्त्री केपी शर्मा ओलीले चिनियाँ कम्युनिष्ट पार्टीको केन्द्रीय पार्टी स्कुलद्वारा आज आयोजित कार्यक्रमलाई सम्बोधन गर्दै नेपालको कम्युनिष्ट आन्दोलनको एकता र सफलताले विश्व कम्युनिष्ट आन्दोलनलाई आत्मसाथ गर्ने विश्वास व्यक्त गर्नुभएको छ । चीनको औपचारिक भ्रमणमा रहनुभएका प्रधानमन्त्री ओलीले ‘सुशासन र समृद्धिमा...
प्रधानमन्त्री ओलीद्वारा नेपाल–चीनमैत्री दौडको उद्घाटन
बेइजिङ, ७ असार- चीनका प्रधानमन्त्री ली खछ्याङको मैत्रीपूर्ण निमन्त्रणामा छदिने चीन भ्रमणमा रहनुभएका प्रधानमन्त्री केपी शर्मा ओलीले नेपाल–चीन मैत्रीपूर्ण दौड प्रतियोगिताको आज उद्घाटन गर्नुभयो । नेपालको पर्यटन प्रवद्र्धन गर्ने उद्देश्यले बेइजिङ युनिभर्सिटी अफ स्पोर्टमा आयोजना गरिएको प्रतियोगिताको उद्घाटन कार्यक्रममा भ्रमण...
राष्ट्रपति सी र प्रधानमन्त्री ओलीबीच आज भेटवार्ता
बेइजिङ, चीन - चीन भ्रमणका रहनुभएका प्रधानमन्त्री केपी शर्मा ओलीले आज चीनका राष्ट्रपति सी जिङपिङसँग शिष्टाचार भेटवार्ता गर्नुहुने छ । चीनको ग्रेट हल अफ द पिपलमा राष्ट्रपति सिसँग भेटवार्ता गर्ने कार्यक्रम तय भएको छ । त्यसअघि प्रधानमन्त्री ओलीले नेपाली दूतावासमा चीनमा बस्दै आएका नेपाली समुदाय तथा नेपाल–चीन व्यापार मञ्चलाई...