जेष्ठ १० र ११ मा हेटौँडामा राष्ट्रिय फुल कन्ट्याक्ट कराँते प्रतियोगिता हुने
। मकवानपुर क्योकुशिन कराँते संघको आयोजनामा हेटौँडाको हुप्र चौरमा आउँदो १० र ११ गते राष्ट्रिय स्तरको फूल कन्ट्याक्ट कराँते प्रतियोगिता हुने भएको छ ।
प्रतियोगिताको विषयमा आज हेटौँडामा भएको पत्रकार सम्मेलनमा देशभरका २० जिल्लाबाट १ सय ८९ जना खेलाडीको सहभागिता हुने जानकारी दिइएको थियो । प्रतियोगिता अन्र्तगत पुरुष तर्फ ६० केजी भन्दामाथि र ६० केजी भन्दातल र महिला तर्फ ५५ केजी माथिले प्रतिस्पर्धा गर्ने आयोजक कराँते संघका अध्यक्ष सुर्दशन खतिवडाले बताएका छन् ।
प्रतियोगितामा प्रथम हुनेले नगद रु। २५ हजार सहित शिल्ड, मेडल तथा प्रमाणपत्र, दोश्रो तथा तेश्रो हुनेले क्रमश रु। १५ हजार तथा रु। १० हजार सहित शिल्ड, मेडल तथा प्रमाणपत्र प्राप्त गर्ने आयोजकले जनाएको छ । त्यसैगरी प्रतियोगितामा फाईटरले नगद ५ हजार सहित शिल्ड, मेडल तथा प्रमाणपत्र प्राप्त गर्ने प्रशिक्षक बुद्धिनाथ न्यौपानेले बताएका छन् ।
करिब २० वर्ष पछि हुन लागेको राष्ट्रिय स्तरको प्रतियोगितामा १० लाख रुपैँया खर्च हुने संयोजक शिवनारायण श्रेष्ठले बताएका छन् । प्रतियोगितामा भाग लिन प्रवेश शुल्क निशुल्क तथा विभिन्न जिल्लाबाट आउने खेलाडी र प्रशिक्षकहरुलाई निशुल्क खाना बस्न व्यवस्था गरिएको छ भने, खेल अवधिभर खेलाडीहरुको दुर्घटना विमाको ब्यवस्था गरेको समेत आयोजक सदस्य मध्यका एक तथा प्रशिक्षक विष्णु श्रेष्ठले बताएका छन् ।
सम्बन्धित समाचार
पाकिस्तानसँगको विश्वकप क्रिकेट बहिष्कार गर्न बाफ्नाको आग्रह
आउँदो जुनमा हुन लागेको विश्वकप क्रिकेटमा पाकिस्तानसँगको खेल भारतीय क्रिकेट प्रशंसक र मुम्बई क्रिकेटका केही अधिकारीले बहिष्कार गर्न भारतलाई आग्रह गरेका छन् । भारत–पाकिस्तानबीचको सम्बन्ध गएको बिहीबार कश्मीरको पुलवामामा ४४ जना सुरक्षाकर्मीको ज्यान जाने गरी भएको आतंकवादी आक्रमणपछि निकै चिसिएको छ । अन्तर्राष्ट्रिय अदालतमा...
धनगढी स्टार्सलाई रुपन्देही च्यालेन्जर्सले दियो १०७ रनको लक्ष्य
रुपन्देही च्यालेन्जर्सले धनगढी स्टार्सलाई फागुन ६ धनगढी प्रिमियर लिग क्रिकेट डीपीएलमा १०७ रनको लक्ष्य दिएको छ ।मैदान हिलो भएका कारण ढिला सुरु भएको खेल १५ ओभरमा झारिएको छ । टस जितेर पहिला ब्याटिङ गरेको रुपन्देही १०६ रनमा अल आउट भएको थियो । रुपन्देहीका लागि सुमित महर्जन र विनोद भण्डारीले क्रमश ३३ र २४ रनको योगदान गरे । बाबर हायातले १९ रन...