जन्मियो नयाँ पार्टी, बन्दुक उठाउने उद्घोष
काठमाडौँ । संयुक्त दलित अधिकार मञ्च नेपालले नयाँ पार्टीको घोषणा गरेको छ । आफ्नो चौथो स्थापना दिवसको अबसरमा मञ्चले विहीबार संवाद डबलीमा विशेष कार्यक्रम गरेर लक्ष्मण बर्देवाको संयोजकत्वामा १ सय ५१ सदस्यीय ‘पार्टी निर्माणको राष्ट्रिय अभियान’ को घोषणा गरेको हो ।
राष्ट्रिय स्वाधिनता र जनयुद्ध –जनआन्दोलनबाट उत्पीडित समुदायले प्राप्त गरेका अधिकार पनि खोसिने खतरा बढेका कारण पार्टीको आवश्यकता भएको अभियानका संयोजक लक्ष्मण बर्देवाले बताए । उनले नेकपा एमाले र माओवादी केन्द्रको एकताले दलितलगायत उत्पीडित समुदायको अधिकार झन् खतरामा परेको बताउँदै नयाँ पार्टीको अनिवार्य भएको बताए ।
संयोजक बर्देवाले पार्टीले अधिकार र राष्ट्रिय स्वाधिनताको लागि शान्तिपूर्ण संघर्ष गर्ने तर राज्यले दमन गरे सशस्त्र रुपमा प्रतिरोध गर्ने बताए । उत्पीडित समुदायको अधिकारको लागि आवश्यक परे बन्दुक उठाउन तयार भएर पार्टी निर्माणको अभियान थालेको बताए ।
कार्यक्रममा शुभकाना दिँदै दलित अगुवा डा. निर्मल विश्वकर्माले एमाले र माओवादी केन्द्रले जति समृद्धिका नारा दिएपनि उत्पीडित जातिको अधिकार खोसिने खतरा बढेको बताए । उनले अब उत्पीडित समुदायका धेरै व्यक्तिले मागेर गुजरा गर्नुपर्ने अवस्था आउने बताए ।
विश्वकर्मा रुढिवादबाट ग्रस्त समाजमा बन्दुकले मात्रै परिवर्तन गर्ने बताए । उनले संघर्षबाट उत्पीडित समुदायले प्राप्त गरेका अधिकारको रक्षा र थप प्राप्तको लागि फेरि सशस्त्र संघर्षको अवश्यकता रहेको धारणा राखे ।
अहिलेको राज्य व्यवस्था दलालको हातमा पुगेको भन्दै बक्ताहरुले दलाल संसदीय व्यवस्थाभित्र उत्पीडित समुदायको हक अधिकार हुन्छ भन्नु मूखर्ता भएको बताएका थिए । उनीहरुले एक कालखण्डको परिवर्तनको नेतृत्व गरेका प्रचण्ड र ओलीले नै उत्पीडित समुदायको अधिकार खोस्न सक्ने भन्दै आवश्यक परे उनीहरुविरुद्ध नै बन्दुक उठाउनु पर्ने अवस्था आउने भन्दै त्यसको लागि पनि नयाँ पार्टीलाईए तयार हुन बक्ताहरुले आग्रह गरेका थिए ।‘राष्ट्रियता, स्वाधिनता, स्वाभिमान र समानता, शान्ति रोजगार र विकासमा हाम्रो प्रतिवद्धता’ मूल नारा दिएको नयाँ पार्टी अभियानमा मञ्चसँगै माओवादी आन्दोलनको दलित अगुवाहरुको पनि सभागीता छ ।
सम्बन्धित समाचार
अब मुक्तिनाथ दर्शनगर्न जाने नेपालीले पनि शुल्क तिर्नुपर्ने
मुस्ताङको प्रसिद्ध तीर्थस्थल मुक्तिनाथ मन्दिर दर्शन गर्न जाने नेपालीले पनि अब शुल्क तिर्नुपर्ने भएको छ । अन्नपूर्ण संरक्षण क्षेत्रमा प्रवेश गर्न शुल्क अनिवार्य गरेपछि हिन्दु र बुद्ध धर्मको संगमस्थल मुक्तिनाथ दर्शनमा नेपालीलाई पनि शुल्क लाग्ने भएको हो । आजको अन्नपूर्ण पोस्टमा समाचार छापिएको छ । सरकारले १०० रुपैयाँ शुल्क निर्धारण...
नेपाली सेनाको कमाण्ड अाजबाट पूर्णचन्द्र थापाले सम्हाल्ने
काठमाडौं । नेपाली सेनाको नेतृत्व आजबाट बलाधिकृत रथी पूर्णचन्द्र थापाले सम्हाल्ने भएका छन् । प्रधानसेनापतिले आफ्नो कार्यकाल सकिनुभन्दा एक महिनाअघिदेखि बिदा बस्ने परम्पराअनुरुप प्रधानसेनापति राजेन्द्र क्षत्रीले कमाण्ड हस्तान्तरण गर्न लागेका हुन् । प्रधानसेनापति राजेन्द्र क्षत्रीले सैनिक मुख्यालय जंगी अड्डामा बिहीबार आयोजित...
क्यासिनोमा प्रहरी छापा, दुई जना पक्राउ
काठमाडौं – उपत्यकामा सञ्चालित सातवटा क्यासिनामा प्रहरीले छापा मारेको छ । महानगरीय अपराध महाशाखाले गैरकानुनी रुपमा नेपालीलाई क्यासिनो प्रवेश गराएर जुवा खेलाउने गरेको सूचनाका आधारमा उनीहरुलाई पक्राउ गरेको हो । सोमबार प्रहरीले दरवारमार्गस्थित रोयल क्यासिनोमा जुवा खेल्दै गरेका सेते लामा ९वर्ष ६६० र सोही क्यासिनोका म्यानेजर विश्व...